انا محتاجه رد كل عضو فى التوبيك ده

lملك كلامك وحكايتك اثرو فيا كثير.عارفه ليه..علشان انا مريت بنفس موقفك ويمكن اكثروالفرق بيني وبينك انا خدعني صديق مش صديقة و هو كان اكتر من اخ..عيزاك تختاري حبيبك وتبعدي عن صحبتك لغاية متعرف انها غلطانة فحقك ولما تتاكدي انها ندمت سامحيها لانو احنا بشر مش ملايكة يعني بنغلط بس لازم نعترف بغلطنا ونصححو.ومتقلقيش حتتحل انشاء الله وانا حكون معاك دايما.اعتني بنفسك واختاري صح علشان متخسريهمش اللي تنين-_حبيبك و صديقتك_

مرسى اوى على ردك بجد مش عارفه اقولك ايه بس اللى انا عارفاه انها مش هتفكر انها غلطت فى حقى لانها لو فكرت كان الكلام ده من زمان انا لما واجهتها بتقولى انا قولت اريحه بس وحبيبى كان عايز يبعدنى عنها علشان اكون ليه لوحده بس برضه وجعنى كمان انا عارفه انه كان عاوزيفوقنى بس مش بالطريقه ديه انا مفروض اتوجعت من اقرب حد ليا هو يوقف جنبى وانا من نفسى كنت هختاره لكن مش يجى فى وقت انا تعبانه فيه ومش عارفه افكر ويقولى ياانا ياهى
وبجد بشكرك اوى وردك عجبنى وانا والله بفكر فى كلامكم وبجد فدونى اوى

بصى يامللك انا مريت بنفس التجربة بس مش سبنا بعض حاولت افهمة بس مكنتش صحبتى قالت كدة انا معاكى انك تختارى صحبتك بس لما تكون صديقة بجد انما مفيش صديقة بجد تتراهن ع صحبتها وتوقع بينها وبين حبيبها دى مش اسمها صديقة صحبتك تعمر حياتك مش تدمرها انا راى انك ترجعى لحبيبك وتفهمية انة مش المفروض ينزل نفسة لمستوى الصداقة عشان علاقتكوا اكبر من كدة بكتير وواجهى صحبتك وقدام حبيبك احلى احساس هتحسية وانت بتوجهيها ان اغلى انسان بلنسبة ليكى جمبك وربنا يوفقك ومعاكى وانشاء اللة ترجعوا وتعيشوا مع بعض للابد

انا اتمنى بجد يا ملك ان يكون حبيبك دلوقتى لسه بيحبك انتى مش عارفه

انتى عملتى فيه ايه على العموم ربنا يهديكى وتعملى الصح

مرسى اوى ياروزا على ردك ربنا يخليكى ليا يارب كلامك كله صح والله انا مش عارفه ازاى انا اختارت
او فكرت كده بس انا كنت مصدومه فيها اوى ومش كنت قادره انى افكر او اختار
مرسى يانور انا بس مش عاوزاه يكون زعلان منى بس هو متاكده انه كان كل حاجه فى حياة ملك ده انا كنت
عايشه دنيتى علشانه

هو عشان كان عارف انو مهم بالنسبالك كان فاكر انك هتاختاريه هو لكن انتى

كده جرحتيه وحسستيه انو مالوش قيمه عندك ون هى اغلى منه

انتى بتقولى انا مش عايزاه يبكون زعلان ازاى بعد الى عملتيه ده يكون

مش زعلان

مش عارفه يانور طب انا دلوقتى اعمل ايه انا فعلا خلاص مش بكلم صحبتى سبتها
خالص وده اللى هو كان عاوزوه

حاولى تصالحيه باى طريقه وتعرفيه انك نفذتى كلامه ونشاء الله ربنا يهديكم

حاضر يانور هو كلمنى بس انا خايفه ارد عليه لاحسن يقولى كلام يزعلنى اكتر
وفى نفس الوقت لما بشوف رقمه ببقى هموت وارد عليه بس خايفه اوى

لا ردى طبعا ده نتى كده بتبوظى الدنيا خالص هو

كده هيفتكر انك منفاضاله خالص ....... وبعدين هو لو قالك

كلام يزعلك لازم تستحملى لانك غلطتى فى حقو فهمتى يا ملك

حاضر يانور بس والله انا مش منفضاله انا كل يوم بكلمه بس مش من رقمى بسمع صوته
واقول ماحس انه كويس بقفل وهو بيبقى عارف انى انا لانه عارف اننا كل ما كنا بنتخانق انا بعمل كده
وبيرجع يقولى انا ببقى عارف انك ملك والله مش منفضاله انا هرد عليه انا عارفه انه هيتصل النهارده
وهشوفوه لوكلمنى حلو هصالحه لو كلمنى وزعلنى هستحمله زى ماانت قولتلى بس هضايق وهقفل
وبجد يانور ربنا يخليك انا مش عارفه اقولك ايه

ماتقوليش حاجه ده واجب عليا انى اساعدك لانك صاحبتى

ملوكة كلمية وحاولى تفهمية انك كنتى مصدومة ومكنتيش عارفة ولا فاهمة حاجة ولما فوقتى اخترتية طبعا بس لاحظى انة دايما هيقعد يفكرك دايما بالموقف دة انتى حاولى تمحية من حياتة مع مرور الزمن وانا متاكدة انكوا هترجعوا وهو اكيد بيحبك بس اكيد زعلان شوية وعاوزة اقولل لنور مفيش حد بيحب يقدر يكرة بالعكس فى بعدة بيحبة وبيشتقلة اكتر ربنا يوفقك ياملوكة ياحبيبتى

حاولي تصالحيه بهدوء ورواقة هو مهما كان حبيبك وكل دنيتك.وان كنت غلطانه اعترفيلو ده مش حيقلل من كرامتك بالعكس انتي حتكبري في عنيه وحاولي حبيبتي توضحيلو وجهة نضرك قومي بها الخطوة ولازم تعرفي انو بيحبك عشان هو عاوز مصلحتك وانتو حترجعو زي مكنتو واحسن كمان والله لا يفرق بيناتكم ابدا الحب تضحيات فضحي عشانو وبرهنيلو انك بتحبيه وحيتصلح كل شيء انشاء الله