عاوزه الاعضاء كلهم يدخلوه التوبيك ده

بصى ياملك انا اتعرضت للموقف دة فعلا..
بس انا اخترت اللى قلبى عايزه ..اللى هبقى مرتاحة معاه واللى بحبه..وحتى لو انا وهو محصلش مابينا نصيب بردو عمرى ماهندم انى اختارته وفضلته عن قريبى..

سؤالى بقى..لو فى يوم كان لازم تختار/ى يا اما تكمل /ى دراستك يا اما تتجوز /ى اللى بتحبيه..
ايه الحاجة الى تعتبر اهم بالنسبالك؟
تتجوز /ى حبيبك؟ولا تكمل /ى دراستك؟

اولا انا متفقه مع حبيبى من قبل اى حاجه قبل حتى مااقوله بحبك انه عارف انى هكمل دراستى
دراستى حاجه وحبى ليه حاجه تانيه ده مستقبلى وكمان ده علشان ابقى كبيره بنظره ويكون فخور بيه ادام اى حد
سؤالى هو نفس سؤالك يانور انتى تختارى ايه

اكيد هو لو بيحبنى هيبقى عايزنى اكمل دراستى حتى لو انا قلتلو مش عايزة اكمل هو هيقوللى لازم تكملى لانو اكيد عايز مصلحتى
وفعلا عندك حق انا لما يبقى معايا شهادة كويسة هو اكيد هيبقى فخور بيا
سؤالى..لو فى واحد بيحبك اوى بس انتى عمرك ما فكرتى فيه..وواحد تانى انتى بتحبيه اوى بس هو مش حاسس بيكى..ياترى تختارى مين؟

ميرسى على الموضوع الجميل دة واجابتكوا الاجمل . الانسان بيبقى ضعيف عشان بيبقى حاسس انة طاير وبيتنازل عن حاجات كتير جدا ممكن عشان خايف من ان السعادة دى تروح او يرجع يعيش لوحدة باختصار الحب احلى حاجة فى الوجود يخليك ضعيف جدا ومتسامح جدا مع اى حد وانت فى قمة سعادتك وسؤالى لية لو حبيبك اهانك اوى وسيبتة بيعتبرها حاجة تافهة ومتستهلش؟؟؟؟؟؟؟؟؟؟؟؟؟؟؟؟؟؟؟

مرسى انتى ياروزا ياقمر نورتى التوبيك ياقمرايه بصى انا هقولك على حاجه البنت عامة كرامتها بتبقى حاجه غاليه عندها اوى غير الولد يعنى البنت من اقل حاجه تلاقى عينيها دمعت غير الولد بيكون جامد فهما بيعملوه حاجه وفاكرين انها تافهه بس طبعا ده مينفعش لو هانك لازم تتحسى انك اتوجعتى ده لو هو مش فاهم كده ولو اعتبرها حاجه تافهه يبقى نمايستاهلش الحب اللى يهين حبيبه ويدوس على كرامته يبقى مش يستاهله لانى كرامة الواحد من كرامة حبيبته بس وعلى فكره ممكن هو لما يكون عمل كده بيعتبرها حاجه تافهه مش علشان مش تستاهل لا ممكن يكون رد فعل على حاجه انتى عملتيها ورد فعله ده ضايقك فهو بيعتبرها ديه اقل رد فعل وبتحصل كتير يقولك عادى ده رد فعلى
سؤالى هو ممكن اتنين بيحبوه بعض اوى وكان بينهم كل حاجه حلوه يبقوه اخوات واصحاب بس مجرد انهم عارفين انهم مش لبعض بسبب ظروف كتير وهما محتاجين يكونوه مع بعض فيقنعوه نفسهم بكده

ميرسى لردك جدا بس صعب اوى الحب يتقلب صداقة مهما كان لازم يواجهوا الامر ويبعدوا عشان كدة كدة هيبعدوا وعمرهم ما هيقدروا ينسوا انهم بيحبو بعض ولا هيقدروا يعتبروا نفسهم اصحاب دى حاجة خارجة عن ارادتهم ....... لية صعب ننسى ان حبيبنا جرحنا وعللى رغم من كدة بنبقى لسة بنحبة جدا؟؟؟؟؟؟؟؟؟؟

علشان الانسان فى الحب بيتعامل بقلبه مش بعقله
سؤالى هو ممكن ننسى الحب الاولانى بحب جديد

ممكن لو لقيتى فى الحب الجديد كل او معظم مابتتمنى بس مش بتنسى بيبقى ذكرة حلوة فى حياتك هتفتكريها لو صادفتك اى حاجة كنتى بتعمليها او بتسمعيها او بتقوليها وبتبقى حاجة حلوة بس حلاوة الحب الجديد بتبقى بالنسبة ليكى احلى دا طبعا لو حبيتى بجد............لو حد بنحبة اوى اهانا ومش عارفين نسامحة وبنحبة اووووى ونفسنا نسامحة ياترى نعمل اية؟؟؟؟؟؟؟؟؟؟؟

نفتكرله اى لحظه حلوه عشتها معاها اى كلمه حلوه سمعتها منه وحسيت انى اسعد واحده فى الدنيا افتكر انى فى يوم حبيت دنيتى علشانه هفتكر انى ده حبيبى ومهما بيعمل فيه او انا بعمل فيه بنرجع نحب بعض هفتكر اول مره يقولى بحبك وانا عينيا فى عينيه هفتكر قلب روزا الابيض اللى مش بيعرف يزعل من حد وبالذات الحد ده لو حبيبه يبقى لازم نسامحه ياروزا ياقمر
سؤالى هو لو بتحبى حد والحد ده بيحبك حب امتلاك يعنى مش عاوزك غير انك تكونى ليه هو بس حتى اخواتك لا بعكس حبك الاولانى وكل ماتيجى تقارنى تفتكرى حبيبك الاولانى اه كان بيحبك بس مش حب امتلاك ياترى تسيبى الحب الجديد ده وتفكرى انك ترجعى لحبيبك الاولانى

لا مرجعش لحبيبى الاولانى ابدا بس انا حبيت واحد وكان بيحبنى حب امتلاك بس للاسف اهانى جامد ومحصلش نصيب واتمنى محدش يسيب حبيبة ابدا بس ياملوكة نصيحة دا طبيعتة ومهما حاولتى تصلحى بيبقى صعب ومع ناس تانية مستحيل بس انا بجد مش عارفة تعملى اية لانى عانيت جامد بس كنت بفتكر كتير لحظات الحلوة اللى بينا وبقول لنفسى انة بيحبنى بصبر نفسى .... لية الولاد مش بيحسوا بقيمة اللى فى ايديهما الا لما يضيع

اى حد ياروزا مش بيحس بقيمة اللى معاه الا لما الحاجه ديه بضيع منه لانها بتبقى معاه هو مش بيقى حاسس بحاجه متواجده معاه لن لما بضيع منه بفتكرها وبيفكر فيها زى انتى دلوقتى فى قصة حب مش هتبداى تفكرى فيها غير بعدين لانك دلوقتى انتى عايشه فيها
هو الحب فيه كرامه ولالا ؟علشان الانسان فى الحب بيتهاون على حاجات كتيره اوى

الحب اساسة الكرامة ومحدش بيقدر ولايعرف الحكاية دى غير اللى اتهان وانا جربت صدقينى صعب اوى تحسى ان حبيبك بيهينك ومهما اتنزلتى هيجى عليكى وقت تتعبى فية وانا واحدة من الناس دوست على كرامتى عشان كنت بحبة بجنون بس مفيش حد بيقدر خالص.............اية اسؤ حاجة ممكن تحسى بيها فى الحب انا عن نفسى الظلم وانت؟؟؟؟؟؟؟؟؟؟؟؟؟؟؟؟؟؟؟؟

بصراحة يا روزا فى حاجةبالنسبة لى اسوأ من الظلم واللى هى الاهمال..
بيخليكى تحسى انك اخر حاجة بيفكر فيها ومش مهتم بيكى ولا حتى بيسأل وكئنك مش فارقة معاه
ونفسى بجد اعرف ليه الواحد لما بيحس انو امتلك واحدة وانها بتحبو ساعتها بدل مايهتم بيها اكتر بيهملها ومابيحسش بيها غير لما تضيع منو
سؤالى..لو فى واحد انتى بتحبيه اوى بس هو مش حاسس بيكى او حاسس بس مش مهتم اوى
وواحد تانى بيموت فيكى بس انتى مش حاسة بيه
ياترى تختارى مين؟اللى بيحبك ولا اللى بتحبيه؟

بصراحه هختار اللى بحبه ده لو قلة اهتمامه بيه هو اللى محسسنى انى مش بيحبنى برضه هختاره لانه هو مش بالاهتمام ممكن يكون مش مهتم بيه بس بيفكر فيه وبعدين كفايه حتى الوقت اللى بيقضيه معايا بالدنيا كلها لكن خدى واحد هو بيحبك واهتم بيكى ومعكى طول النهار والليل انتى هتملى لانك مش بتحبيه لكن حبيبك الدقيقه معاه بالدنيا والله يانور حولى تقربى انتى منه واشغليه الوقت اللى هو مش معاكى فيه لحد ما يتعلق بيكى وةساعتها انتى هتقوليله عاوزه ارتاح منك شويه وعاوزه اقولك على حاجه كمان قربى منه وخليه يتعلق بيكى اوى بس اوعى تعرفيه انى قله اهتمامه الشويه دول مضايقاكى
سؤالى هو ممكن الانسان حبيبه يسامحه لو كدب عليه

لو بيحبك بجد هيسامحك بس متككدبيش تانى عشان الحكاية دى بتقل الثقة بينكوا وعاوزة اقول لنور حاجة لازم يكون بيحبك وانتى بتحبية والاهتمام هيجى وزى ما قالت مللك هتحسى بالخنقة مع التانى هو بردة من كتر اهتمامك بية يحس بالخنقة منك اهم حاجة الاعتدال ............هل تفضلوا حياتك مع حبيبك بكل مشاكلها ولا حياتك قبل الارتباط والحب؟؟؟؟؟؟؟؟؟؟؟

ميرسى يا ملك انتى و روزا على الرد..
انا الاحسن عندى انى اعيش مع حبيبى حتى لو فى مشاكل
لان الحب بيهون اى حاجة كل مشكلة هيكون ليها حل طول ما احنا بنحب بعض
ومفيش حد معندوش مشاكل
وانا اصلا بعتبر الحياة من غير حب مش حياة..
ايه اكتر كلمة بتحب تسمعها من حبيبك وايه اكتر كلمة مابتحبش تسمعها؟

انا بحب كل كلامه بس اكتر كلمه بحب اسمعها منه بحبك يااحلى حاجه حصلتلى فى حياتى
ولما بيقولى ياملك روحى
واكتر حاجه مش بحبها لما بيخيرنى بينه وبين حاجه انا بحبها يقولى ياانا ياالحاجه ديه واكون عاوزه انزل يقولى لا
ايه اكتر صفه بتحبيها فى حبيبك واكتر صفه بتزعلك منه

اكتر صفة بموت فيها حنيتة وطيبتة واتر حاجة بكرها عصبيتة

سامي في الوقت اللي احنا فيه صعب قوي تصدق كلام اي حد وكمان متقدرش تدخل في قلب اللي قلك انو بيحبك عشان تتاكد من صدق مشاعرو بس تقدرتجربو يعني انا من وجهة نضري انو اللي بيحبك بجد بيخاف عليك وميزعلش منك مهما قلتلو.جربها قلها كلام يزعلها وشوف ردت فعلها فان كانت هديا وردت عليك برواق فهي بجد بتحبك.وسؤالي هو حتعمل ايه لو حسيت ان الشخص اللي بتحبو بيخدعك

لو كان مجرد احساس فانت لازم تتاكد واكيد هتلاقى طرق كتيره علشان تعرف سواء الشخص ده بيخدعك ولالا ولو اتاكد انه بيخدعنى هبعد عنى علشان مش اخدع نفسى اكتر من كده
سؤالى تعمل ايه لو اتوجعت بجد من اقرب حد ليك ممكن تبقى عليه ولا تبعد عنه

على حسب الوجع دة لو هتقدرى تنسية وتسامحية اوك متبعديش بي بشرط اوعى تفتحى الموضوع معاة تانى عشان متفتحيش وجعك تانى ولو مش هتقدرى تنسى وتسامحية خلاص ابعدى احسن........ هو اللى بيحب بجد بينسى ولو بينسى ياترى فعلا بينسى بحب جديد ولا بيخدع نفسة وبيتناسا

فى حب مش بينسى حب وفى حبيب بينسيكى كل حاجه وحشه فى حياتك وساعتها مش بتبقى بتخدعى نفسك
بس لازم تختارى الحبيب والحب الصح لانك ساعتها بتبقى فى وقت عاوزه اى حد ينسيكى
بس الحب الحقيقى اللى ممكن ينسيكى اى حاجه وحشه لانك ممكن الحب الاونى ده مش حب حقيقى
سؤالى هو لو جرحتى حبيبك ومش عارفه تنسيه وبتفكرى بس فى كل لحظه حلوه بينكوه هتفكرى انك ترجعيله
ولا هتقولى لا كرامتى

لا هرجعلة طبعا واعمل اى حاجى عشان انسية واستحمل منة اى حاجة طالما بحبة ومش هزهق ابد من محاولاتى انى انسية .............لو حبيبنا جرحنا وسبناة ومستحيل نرجع تانى ومش عارفين ننسى وبنشتقلة ازاى نخرجة من حياتنا انا محتاجة رد بجد لانى تعبانة ونفسى انسى.؟؟؟؟؟؟؟؟؟؟؟؟؟

حبيبتي روزا زي ما الزمن يجرحنا بيداوينا كمان انا عارفه ان النسيان شيء صعب بس رح يجي يوم تنسيه فيه انتي بس اصبري وراح تفرج انشاء الله ولا تتعبي نفسك اكتر من هيك لانك انتي الخسرانة في النهاية.سيبي النسيان للزمن ووثقي فيه.

اه اسفة نسيت اسال بدي اعرف انا لازم ابعد ازاي عن شخص ادعى انو بيحبني وهو واخدني زي حبة اسبرين عشان ينسى البنت اللي بيحبها او واخدني عشان يغيرها حتى ترجعلو انا وثقت فيه بس هو خدعني وانا عايزة مساعدتكم حتى ابعد عنو بس ازاي انا تعبانة اوييييييييييييي